Daûr San Pieri

Marco Maiero

Sore i roncs, daûr San Pieri,
cul sciroc o in Lui ch’al sà di fen,
duc’ i siums si cìrin simpri,
duc’ i siums ‘e clamin ben.

E ‘a consolin lis albàdis
che àn cricât il scûr dai dîs
che gjelôs al ten platât, di simpri,
il lusôr dal Paradîs.

Sore i roncs, daûr San Pieri,
cul sciroc o in Lui ch’al sà di fen,
duc’ i siums si cìrin simpri,
duc’ i siums ‘e clamin ben.

E tal cûr timp di bussadis,
timp di un fûc mai dite a d’un,
distudât cui avostans, mai legris,
in te scune di un autun.

Sore i roncs, daûr San Pieri,
duc’ i siums ‘e clamin ben.

Stralcio Postioma 08/12/2008